Daniel Ares Crego, de 4º ESO, recoméndanos esta semana unha curtametraxe imprescindible. Hai alguén que non a vira? É un clásico, xa que marcou o comezo do Audiovisual galego, aló polo 1984!
Título: Mamasunción.
Director: Chano Piñeiro.
Ano: 1984.
Produción: Piñeiro SA.
Actores: Antón Casal, Asunción
Racamonte, Manuel Barreiro, David de Liñares, Tía Elvira, Tía Luisinda, Eliseo
Montes, Diego Montes, Ricardo Álvarez, Mari Luz, Amaro, Gonzalo Pereira,
Manuel Martínez.
A obra conta a historia de
Mamasunción, unha anciá que vive nunha remota aldea de Ourense. Cada día,
durante corenta anos, acode á oficina de correos en espera dunha carta do seu
fillo emigrado. Por fin, un día o carteiro entrégalle a Mamasunción a carta
longamente agardada. Primeiro lella unha veciña e dille que o fillo está ben e
que axiña escribirá de novo. Porén, Asunción desconfía e dálla a ler ao
borracho da aldea. El comunícalle que o seu fillo morreu e que lle deixou unha
cuantiosa herdanza.O alcalde do concello chega á aldea nun coche, o cal se converte
nun grande acontecemento, pero o que sucede a partir de aí non é o esperado...
No hay comentarios:
Publicar un comentario